Lollise
'I Hit the Water'
Diskoetxea: Switch Hit Records.
Afro-pop lezio bat da New Yorken bizi den Botswanako kantariaren lehenengo lan luzea. Gaztea izanagatik ere, erro afrikarrei begiratzeko aniztasunaren betaurrekoak jantzi ditu, eta emaitza bikaina da. Bada afrobeat apur bat eta pop asko. Bada sokous aztarnarik eta elektronika ukitu gordinik. Askotariko erritmo eta melodiak. Entzungarri bezain dantzagarria da kantu bilduma hau, eta, neurri batean, estiloaren errepaso moduko bat gertatzen da: Angelique Kidjok bere lehen diskoa 30 urte beranduago kaleratu izan balu bezala. Eta onena, ez du autotune arrastorik! Zerikusirik ez azken urteetan, modu okerrean, afro-pop izenaz jabetu den joera horrekin.
