Leizaolaren ekarpenak aitortza jaso du

Atzo, Fermin Leizaola (Donostia, 1943) etnografoak Eusko Ikaskuntzaren Manuel Lekuona saria jaso zuen, Donostian egindako ekitaldian. Horrela, etnografian eta hortik harago ere egindako ekarpena aitortu zioten. Leizaolak hamarkadak eman ditu ondare etnografikoa biltzen, etxez etxe, herriz herri, eta egun Aranzadi Zientzia Elkarteko Etnografia saileko arduraduna da. Irudian, Leizaola (erdian), saria jasotzeko unean, Markel Olano Gipuzkoako ahaldun nagusia eta Iñaki Dorronsoro Eusko Ikaskuntzako lehendakaria alboan dituela.