LAU ARTISTA BOST URTE OSPATZEKO

Zestoako (Gipuzkoa) Ekainberrik bost urte bete berri ditu, eta, urtemuga hori ospatzeko, Ekaingo kobazuloaren erreplikari oso lotuta egon diren lau artistak beren obrak jarri dituzte. Juan Luis Goenagak, Angel Urangak, Xabier Obesok eta Maximina Espesok artelan bana egin dute leizean dauden margoen ondoan erakusteko. Atzo jarri zituzten obrak historiaurreko artelanen ondoan, eta datozen bi hilabeteetan museoaren sarreran izango dira ikusgai.