'Work Hard'

Laugarren diskoa du King Ayisoba Ghanako kologo-jotzaileak, eta, aurrekoaren bideari eutsiz, are gehiago sakondu du herrialde afrikar horretako ipar-ekialdeko erro musikalen eta eragin garaikideen arteko nahasketan. Horregatik, ugariak dira disko honetan ahots sinkopatuak, perkusio hipnotikoak eta kologoaren soinu gordina, baina baita ere erritmo elektronikoak, edo afrobeataren eta hip-hoparen eragina. Baina, ez dago zalantzarik, lehenengoak agintzen du; horrela lortu du zapore sarkor eta trinkodun kantu-bilduma hau ontzea. Afro musikekin bakeak egiteko moduko disko bat.