Thine Retail Simps
'Strike Gold, Strike Back, Strike Out'
Diskoetxea: Total Punk Records.
Honatx 2024ko garage-rock kutsuko disko zirraragarriena, ezbairik gabe. Kanadarren hirugarren lan hau Espainiako Ruta 66 musika aldizkarian kolaboratzen duen Roger Estrada kazetari katalanaren urteko lan gogotsuenen zerrendan agertu da, eta zaplazteko ederra jaso dut lehenengo entzunaldiarekin batera. Grabazio hau 1960ko urteetako teen-punkera mugatzea erabat gutxiestea litzateke, AEBetako nerabez osatutako banda grinatsuen tradiziotik zanga-zanga edateagatik ere harribitxi ugari gordetzen baititu; tartean, psych-folk itxurako melodiekin jantzitako kantu bareak edo disonantziekiko joera, Velvet Undergrounden bidetik. Zeharo erakargarria bere laztasunean.
