Salif Keita

Salif Keitak 2018an erretiroa hartu zuen arren, inor gutxik espero zuen hitza guztiz betetzea. Adibidez, duela bi urte emanaldi bat egin zuen Kyotoponie jaialdian, Japonian. Ondoren, bere hoteleko gelan, bederatzi kantu hauek grabatu zituen, ahots hauskorraren, gitarra akustikoaren, ngoniaren eta calabasharen laguntza hutsarekin. Emaitza, benetan, dirdiratsua eta sotila da era berean. Afrikako urrezko ahotsa deritzonaren itzulera baino gehiago bizitza osoa musikaren munduan eman ondoren oraindik zeresana duen artistaren lekukotza erakusten duen disko puska. Bere gordintasunean artista maliarraren diskorik onenen parean jartzeko modukoa.