Belarrien gozamenerako

Denok ikusi dugu filma noizbait, eta, beraz, denok ezagutzen dugula suposatuko dut.

Halere, batzuetan inpresioa izaten dut ez garela ohartzen zein munta handiko literatur sorkuntza den hau, zeren, nire iritziz, XX. mendean sortutako haur literaturako obra handienetako bat baita, arrazoi askorengatik. Luze-laburrak ez dit gehiagorako ematen, eta bi argudio emango ditut: bata, ahozko literaturako ezaugarri nagusiak bere egin, eta idatzizko obra moderno bat dugula hau; inor gutxik lortu du halakorik. Eta bigarren argudioa: entretenimendua eskaintzen du, balio eredugarriak erakustearekin batera.

Euskaraz, obra osoaren itzulpen bakarra dugu, Juan Kruz Igerabidek egina (Denonartean, 2015), eta moldaketa mordoxka bat, gehienak zaharkituak edo balio gutxikoak, salbuespenak salbu (A. Atelarena dut gogoan: Vicens Vives, 2014).