BACKXWASH
'Only Dust Remains'
Diskoetxea: Ugly Hagh Records.
Kasualitatez ezagutu dut, baina Backxwashen azken diskoak nire arreta osoa bereganatzea lortu du. Rapa du oinarri, baina oso tonu ilunak erabiliz, produkzio industrial eta esperimentaletara joz, hauek hip-hop erritmo gordin eta atmosferikoekin uztartzen ditu. Aurreko lanak entzunda, lan honetan nabari da iluntasunerako bidea. Letrek traumen, identitatearen, erlijioaren eta mendekotasunaren inguruko barne gatazkak jorratzen dituzte, ahots bortitz eta sarkor baten bidez. Diskoa intentsitatez beterik dago, baina momentu barnerakoiek oreka ematen diote. Backxwashek bere bidea marrazten jarraitzen du, konpromisorik gabe, eta lan hau bere ibilbidean mugarri sendo bat da: desafiatzailea eta indartsua.
