'kiriküüt'
Egilea. Ruut. Diskoetxea. Nordic Notes. Urtea. 2023.
Zazpi urte igaro dira Estoniako folk laukoteak aurreko lan luzea kaleratu zuenetik. Urteak pasatu arren, disko hark lortutako itzalari lotu behar zaio kantu-bilduma berri hau. Hirugarren disko honek taldearen ezaugarri musikalei eusten die. Nolanahi ere, aire sorta erakargarria eraiki dute; estoniar herri musikaren erroetatik hartutako kantuak ahots harmonia ederrez eta gitarren, akordeoien eta kannelen akustikotasun jostagarriz jantzita. Dena da apur bat «etereoa», baina ez emaitza musikala topikoen tiraderara lerratzeko bezainbeste, eta trebezia behar da oreka hori mantentzeko. Alde horretatik, erraz entzuteko moduko disko bat da, baina, era berean, entzunaldi jarraituak duintasunez eramaten dituena.
