KASKEZUR
'Deus'
Diskoetxea: Usopop.
Usopop diskoetxearen bidez plazaratu dute nafarrek beren seigarren lana, zeina 2019an plazaratutako Ihesi doaz animaliak grabazioaren ondotik datorren. Disko berri honetan ere, laukoteak bere ohiko ezaugarriak agertu ditu: melodia aberatserako pausoa, gitarra jolasekiko dotorezia, intentsitatez betetako jauziak, eta nortasun handiko ahots eta hitzak. Eta hori guztia hain ondo zaindu dute, bandaren lan onena den Azpisugeak (2017) diskoaren parean jartzea lortu baitute. Zortzi kantuak behin eta berriz entzutea komenigarria da, Deus hau, entzunaldien poderioz, nabarmen hazten baita. Inondik ere, aurten entzungo dituzuen lan ahaltsuenetako bat izango da.
