Juanba Berasategiri aitortza

EZAE Euskadiko Zine Aretoen Elkarteak Juanba Berasategi zinemagilea omendu zuen, atzo, Kursaaleko prentsa aretoan. Alfonso Benegas EZAEko presidenteak eman zion garaikurra Miren Berasategi Juanba Berasategiren alaba eta Lotura Films ekoiztetxeko kideari, eta honek, saria eskertzeaz gain, ohore bat ere badela adierazi zuen. «Sariaren zati potolo bat urte askotan aitaren ondoan lanean aritu diren ero guztientzat da, eta beste zati bat, aitarentzat berarentzat». Juanba Berasategi joan den apirilean hil zen.