Josetxo Goia-Aribe. (Doneztebe, Nafarroa, 1959)

Saxofoi jotzaile, konpositore eta musika irakaslea. Europako jazz musikan izen ezaguna da. Jerome Rateau, Francois Verly, David Herrington eta beste hainbat musikari ezagunekin aritu da oholtzan, eta zortzi disko ditu kalean. Maddi Oihenartekin grabatutako Ilhargi-min (2003), Nafarroako hainbat joten tradizioa jazzarekin uztartzen duen En jota (2011), eta Iberiar Penintsulako bateko eta besteko herri musikak oinarri hartuta sortutako Hispania Fantastic (2014), tartean. Musikene Goi Musika Eskolako irakasle ere bada; inprobisazio eskolak ematen ditu.