Jon Garañoren 'Perurena' gaur emango dute lehenengoz, Donostian

Gaur izango du aurre-estreinaldia Jon Garañoren Perurena film dokumentalak, Donostiako Antzoki Zaharrean, 20:00etan, eta ETBk otsailaren 19an emango du aurrenekoz. Filmak Inaxio Perurena harri-jasotzailearen ibilbidea erakusten du, 2003an jendaurreko lehen saio garrantzitsua egin zuenetik 2009ko abenduan 300 kiloko harria altxatzen saiatu zen arte. Ibilbide horretan oso garrantzi handia du Inaxioren aitak, Iñaki Perurenak. Moriartik ekoitzi du filma ETBrako, eta 55 minutuko iraupena du. Gaurko saioan, Jon Garañok, Inaxio Perurenak eta Iñaki Perurenak ikusleen galderei erantzungo diete emanaldiaren ondoren.