Japonian izango dira Jabier Muguruza eta Mikel Azpiroz, 'Tonetti anaiak' aurkezten

MUSIKA. Jabier Muguruza Japonian izango da datozen egunotan, Tonetti anaiak diskoa aurkezten. Formatu txikiko lau kontzertu emango ditu, Mikel Azpirozekin batera. Shibuyan izango da lehena, ostegunean, eta Tokion joko dute hurrengo egunean. Handik Shinjukura egingo dute, eta atzera berriz Tokiora gero, Blues Alley Japan aretoan joko baitute azken kontzertua, Jun Abe abeslari japoniarrarekin.