Japoniako animazio garaikidea, Bilboko Azkuna zentroan

Bilboko Azkuna zentroko Zinematekak jakitera eman du zer ziklok amaituko duen han aurtengo programazioa. Anime generoko bederatzi film garaikidez osatutako egitarau bat prestatu dute, Japonia fundazioaren Madrilgo egoitzarekin elkarlanean.

Urriaren 17tik aurrera, film hauek pantailaratuko dituzte: Akira (Katsuhiro Otomo, 1988), Kono sekai no katasumi ni (Sunao Katabuchi, 2016), Kaiju no kodomo (Ayumu Watanabe, 2019), Mind Game (Masaaki Yuasa, 2004), Maquia (Mari Okada, 2018), On-Gaku (Ikaisawa Kenji, 2020), Koe no katachi (Naoko Yamada, 2016), Blue Thermal (Haruka Fujita, 2022) eta Nogemu noraifu zero (Atsuko Ishizuka, 2017).