Jakiundek topaketak egingo ditu institutuetan

JAKINTZA. Jakiunde Zientzia, Arte eta Letren Akademiak Topaketak ekimena jarri du abian.Akademiako kideek EAEko institutuak bisitatuko dituzte, gazteen artean «elkar ezagutzeko zaletasuna eta besteen argudioak entzuteko eta ulertzeko jarrera» sustatzeko. Gaur bertan egingo da lehen topaketa, Donostiako Santo Tomas lizeoan. Jesus Altuna antropologoa eta Mariasun Landa idazlea elkartuko dira ikasleekin.