Jakinarazi dute Dinamoan sormen lanak egiteko zer proiektu hautatu dituzten

SORKUNTZA. Sortzaileen jarduna bultzatzeko asmoz, Azpeitiko (Gipuzkoa) Kulturaz kultur kooperatibak sormen egonaldiak antolatzen dihardu, askotariko diziplinetako sortzaileei baliabideak eskaintzeko helburuarekin, Dinamoa sormen gunearen abaroan. Hiru modalitatek osatzen dute programa —#harri (osoa), #orri (sinplea) eta #ar (antzerkia)—, eta, hurrenez hurren, ondorengoak izan dira deialdi honetan hautatuak izan diren sortzaileak: Elena Olabe, eta Ane Zapirain eta Alicia Rechac; Eider Sanz, Nerea Elorza eta Amaia Santamaria, eta Oier Aramendi; eta Sandra Cuesta.