Itxaso Martinen Ni, Vera (Elkar) eta Lluis Llachen Memoria de unos ojos pintados (Seix Barral) eleberriak saritu dituzte Gipuzkoako liburu saltzaileek Zilarrezko Euskadi sariarekin, Donostian egiten ari den liburu azokan. Liburu sarituak ez daude gehien saldutako liburuen artean, baina liburu saltzaileek bi «harribitxi» horiek berreskuratzearen aldeko apustua egin dute, arreta handiagoa mereziko luketen liburu asko oharkabean pasatzen direlako.
Itxaso Martinek bere birramonari eta bere gurasoei eskaini die saria; birramonari, haren bizipenetan oinarrituta dagoelako Ni, Vera nobela saritua; gurasoei, haiengandik jaso duelako irakurtzeko zaletasuna. Lluis Llach ez zen atzo Donostian izan saria jasotzen, baina Seix Barraleko ordezkari Elena Ramirezek adierazi du «oso hunkituta» dagoela liburu saltzaileen aitorpenarekin.
Itxaso Martin eta Lluis Llachen eleberriek sari bana jaso dute Donostian
Zilarrezko Euskadi saria eman diete Gipuzkoako liburu saltzaileek 'Ni, Vera' eta 'Memoria de unos ojos pintados'-i
Iruzkinak
Ez dago iruzkinik
Ordenatu
