'Islak'

Mikel Azpiroz piano jotzaileak bere bakarkako hirugarren diskoa argitaratu du, aurreko lanetan eta dituen beste hainbat proiektuetan egin bezala, honetan ere jazz doinuak jorratuz. Hango eta hemengo doinuak uztartzen ditu, batzuetan euskal abesti herrikoietara ere gerturatuz, baina horiek munduko beste hainbat herrialdetako musikekin uztartuz. Abesti guztiak piano piezak dira, Azpirozek berak interpretatuak; hainbatetan Karlos Aranzegi du lagun perkusioan, protagonismoa kendu bainoago, pianoa bera are gehiago nabarmentzen dutenak. Barru-barrutik ateratako bederatzi abestiz osatu du diskoa, jotzean duen transmititzeko gaitasunarekin, entzuleari barru-barruraino iristeko moduan. Sinple bezain eder, ez du gehiagoren beharrik.