Ipuin kontalarien maratoia, Galtzagorriren 25. urteurrena ospatzeko

LITERATURA. Galtzagorri Euskal Haur eta Gazte Literatura elkarteak 25 urte bete ditu, eta hilaren 17an eta 25ean ospatuko dute Donostian. Hiru ekintza prestatu dituzte. 17an, 10:00etatik 20:00etara, ipuin kontalarien maratoia egingo dute San Telmo museoan. Eta 25ean, Arteko galerian, ilustrazioen enkante dramatizatua egingo dute (11:00), eta egun bererako, San Telmon, haur liburuaren festa antolatu dute (16:00).