Iñigo Legorburuk irabazi du Plentziako Lanbro Beltza lehiaketa

LITERATURA. Genero beltza lantzen du Plentziako (Bizkaia) Lanbro Beltza lehiaketak. Iñigo Legorburu gailendu da euskarazko alorrean, Logikoki eta emeki lanarekin. Haurdunaldi baten osteko bizimodura ohitzea kostatzen ari zaion bikote bat da protagonista, eta tartean hilketa bat gertatzen da. Legorburuk 300 euroko saria jaso du, eta istorioa Calibre 38 aldizkariaren webgunean argitaratuko diote.