Iñigo Legorburu gailendu da EHUren IX. Oihenart aforismo lehiaketan

LITERATURA. «Polizien kotxeek argi asko dituzte... konpentsatzeko». Laburtasun eta ironia maila horretako 100 aforismoko sorta bat idatzi du Iñigo Legorburuk Euskal Herriko Unibertsitatearen Oihenart aforismo lehiaketarako, eta lehen saria eta 500 euro eskuratu ditu haiei esker. 2015ean ere irabazia zuen saria, aurrez. Juan Ramon Alberdik lortu du bigarren postua, eta Cristina Perezek hirugarrena.