Ines Osinagak, Elhuyarrek eta UEUk jaso dituzte Elkar fundazioaren aitortzak

KULTURA. Bere sariak banatzeko ekitaldia egin zuen atzo Elkar fundazioak, Adunan (Gipuzkoa) duen egoitzan. Bi urtetik behin banatzen duen Joseba Jaka beka jaso zuen Ines Osinaga musikariak, Itsasoa da bide bakarra proiektua garatzeko. Ibilbideari Elkar saria, berriz, euskalgintzako bi eragilek jaso zuten: Elhuyarrek eta UEUk. Biek ala biek, Elkarrek bezalaxe, 50 urte bete dituzte aurten.