Imanol Uriberen Miel de naranjas, Eduard Cortesen The Pelayos, Henning Carlsenen Memoria de mis putas tristes, Xavier Villaverderen El sexo de los ángeles, Xavi Pueblaren A puerta fría, Pedro Perez Rosadoren Wilaya, Francisco R. Bañosen Alí eta Paco Leonen Carmina o revienta daude egunotan Espainiako zinemako Malagako jaialdiko sail ofizialean lehiatzen ari diren filmen artean.
Imanol Uriberen Miel de naranjas filmak bi neska-mutilen arteko amodio istorioa kontatzen du, 1950eko hamarraldian girotua. Ekintza nagusien atzealdean, Francisco Franco diktadorearen menpeko Espainia gogor eta gordina erakusten du. Iban Garate (Azkoitia, 1982) da gizonezko aktore nagusia. Iazko ekitaldian ere izan zen Malagako jaialdian Garate, Alberto Gorritiberearen Arriya filma aurkeztera joana, filmeko gizonezko aktore nagusi gisa. Bost sari jaso zituen filmak.
Zinema. Estreinaldiak
Imanol Uriberen 'Miel de naranjas', Malagako jaialdian
Sari nagusia irabazteko lehian dago, Henning Carlsen, Eduard Cortes eta Xavier Villaverderen filmekin batera
Iruzkinak
Ez dago iruzkinik
Ordenatu
