Ikuspuntuko zuzendari artistiko berria

Zinema programatzailea, editorea, irakaslea eta idazlea da Manuel Asin (Zaragoza, Espainia, 1978). 2016tik Madrilgo Arte Ederren Zirkuluko zinema arloko arduraduna da, eta 2015etik Nafarroako Unibertsitateko Museoaren programatzaile gisa aritu da. Intermedio enpresa banatzailearen zuzendaria izan da, eta hainbat filmoteka, jaialdi eta erakundetarako zikloak programatu ditu. Zinemaldi ugaritako epaimahaietan ere parte hartu du. Orain, Ikuspuntu Nafarroako Zinema Dokumentalaren Nazioarteko jaialdiko zuzendari artistikoa izango da, 2022-2025 epean, Garbiñe Ortegaren lekukoa hartuta. Hala erabaki du NICDO enpresa publikoak, lehiaketa publikoa bat egin ondoren.

Hautagaitza guztiak aztertu dituen batzordeak nabarmendu du Asinen profila «egokia» dela ardura horretarako, «trebakuntza eta esperientzia zabala» dituelako, eta «eskarmentua» duelako erakundeekin lankidetzan.