Igone Etxebarria izendatu dute Labayru fundazioko zuzendari

ERAKUNDEAK. Igone Etxebarria izendatu dute Labayru fundazioko zuzendari berri, Adolfo Arejitaren ordez, azken hori Artezkaritza taldeko presidente izango baita aurrerantzean. Etxebarria (Bedia, Bizkaia, 1962) Euskal Filologian lizentziaduna da, eta 1985ean hasi zen Labayrun lanean. 1988tik 2002ra ETBn zuzentzaile eta euskara arduradun aritu zen, eta 2005etik 2007ra euskara sustatzeko zuzendari izan zen Eusko Jaurlaritzan. 2008tik Labayruko zuzendariordea izan da.