Lehendabiziko seikotea aurrez aipatutako Silveirak, Lakuntzak eta Juan Mari Lopezek, Joxe Juan Zubietak, Erika Lagomak eta Julio Sotok osatuko dute. Azken hori aurten Nafarroako bertso txapelketan arituko den bertsolari gazteena da, 18 urterekin.
Finalerako, berriz, zortzi bertsolari sailkatuko dira: final aurreko bakoitzeko irabazleak Lakuntzako azken saioan bermatuta izango du lekua, eta gainerako bostak nortzuk izango diren puntuazioaren arabera erabakiko da.
Antolatzaileek agertu dutenez, aurtengo berrikuntzarik handienetakoa finala jokatzeko hautatutako lekua da. Izan ere, orain arte Baztanen, Bortzirietan eta Goizuetan egin izan dira, eta aurten Sakanara, Lakuntzara, eramatea erabaki dute.
Nafarroako bertsolari beteranoetakoena eta txapela hainbatetan jantzitakoa den Manolo Arozenak, berriz, aurten ez parte hartzea erabaki du. Azaldu duenez, bertso txapelketa lan gogorra izaten da, eta aurtengoan zama hori ez hartzea deliberatu du. Nolanahi ere, ez du aterik itxi etorkizunean berriro ere lehian aritzeko.
Bertsolaritza
Igandean hasiko da Nafarroako bertso txapelketa, Larraintzarren
Sei bertsolarik parte hartuko dute datorren igandean, otsailaren 13an, Nafarroako bertso txapelketako lehen final aurrekoan. Besteak beste, Xabier Silveira egungo txapelduna eta Oier Lakuntza sariketan lehendabiziko aldiz parte hartuko duen bertsolari bakarra arituko dira saio horretan. Ondoren, beste bi finalaurreko etorriko dira —otsailaren 19an Goizuetan, eta 27an Iruritan—, azkenik, finala, martxoaren 13an Lakuntzan jokatzeko. Guztira 18 bertsolarik parte hartuko dute txapelketan.
Iruzkinak
Ez dago iruzkinik
Ordenatu
