IDIRINEK JASO DU BAIONA HIRIA SARIA

Eusko Ikaskuntzak eta Baionako Udalak Maite Idirin sopranoari (Zeberio, 1943) eman zioten atzo 2010eko Eusko Ikaskuntza-Baiona Hiria ohorezko saria, Baionako herriko etxeko sala gainezka zegoela. 120 bat gomitatu orotara. «Musikaren inguruan duen ibilbide zabalagatik» saritu zuten. Andre Pees ur eta baso ingeniariak ere jaso zuen ohorezko saria, horrek ere bere ibilbideagatik. Cendrine Lagoyeyte-i Euskal Kultura saria eman zioten, Euskal Herriaren irudi turistikoaz egin doktore tesiagatik.