IDAZLE PRESOAK GOGOAN IZAN DITUZTE

Idazle Espetxeratuen Egunaren harira, preso dauden idazle eta kazetarien egoera ekarri zuten atzo gogora. Euskal Herrian lehendabiziko urtez antolatu du eguna Euskal PEN Klubak, Ataramiñerekin elkarlanean, eta Donostian hogei bat kazetari, idazle eta eragilek beste horrenbeste idazle presoren testuak irakurri zituzten, Bulebarrean irudikatutako ziega baten barruan. Besteak beste, Martxelo Otamendi, Gorka Landaburu eta Lander Garrok hartu zuten parte ekitaldian.