Sarea elkarteko kideen ustez, antzerkira joateko ohitura berpizten ari da Euskal Autonomia Erkidegoan (EAE). Euskadiko Antzoki Sarearen memoria aurkeztu zuten atzo, Bilbon, Joxean Muñoz Eusko Jaurlaritzako Kultura, Gazteria eta Kirol sailburordearekin batera. Datuen arabera, iaz 2012an baino %4,5 ikusle gehiago bildu zituzten eskainitako ikuskizunek.
Emanaldien kopuruak ere gora egin du. Izan ere, 2012ko zifrekin konparatuta, %6,6 emanaldi gehiago programatu ziren: 1.835 guztira. Kopuru horren %27 euskaraz eman zen. Gainera, haurrentzako programatutako antzezlanen %70 euskaraz izan ziren.
54 antzoki eta areto publikok osatzen dute Sarea une honetan: Arabako lauk, eta Bizkaia eta Gipuzkoako 25nak
Jaurlaritzak atzo jakinarazi zuenez, 1,5 milioi euro eman zituen iaz arte eszenikoen sorkuntza, formazio eta ekoizpenerako; 2013an baino %14 gehiago, alegia.
Diputazioek Sarearen barruan ematen diren ekoizpenen programazioan laguntzen dute: aurrekontuaren %20 betetzen dute —825.000 bat euro—.
Iaz 2012an baino %4,5 ikusle gehiago bildu zituen Euskadiko Antzoki Sareak
Guztira 1.835 emanaldi programatu zituzten sareko Gipuzkoako, Bizkaiko eta Arabako 54 aretoetan, horien %27 euskaraz
Iruzkinak
Ez dago iruzkinik
Ordenatu
