Hasi da Literaturia, hitzen arteko maskaretan

Maskara gaitzat harturik, eta Zu naiz, ni zara lelopean, 11. Literaturia abiatu zen atzo, Zarautzen (Gipuzkoa). Hitzak beste adierazpide artistikoekin uztartuko ditu jaialdiak asteburu osoko egitarauan. Jenisjoplin-en jendaurreko irakurraldiarekin abiatu zen, atzo, eta, haren ondotik, Iñigo Astiz kazetari eta idazleak jaialdirako propio sorturiko Manifestua irakurri zuen. Andoni Egañak sorturiko bertso-maskarada izan zen ostean.