Hamalau emakume bertsolarik hartuko dute parte lehenengo Señora sariketan

BERTSOLARITZA. Hamalau emakume bertsolari ariko dira apirilaren 17an hasiko den aurreneko Señora bertso sariketan. Zenbait emakume bertsolarik eta bertsozale feministak antolatu dute, andre bertsolariek elkarrekin kantatzeko guneak sortu eta plazan haien presentzia areagotzeko. Kanporaketak Aramaion (Araba) eta Mutrikun (Gipuzkoa) egingo dira; finala, Lesakan (Nafarroa), maiatzaren 8an.