Hamabostaldia, Goenagaren eskuetan

Abuztuaren 2tik irailaren 1era egingo da 79. Musika Hamabostaldia, Donostian, baina atzo aurkeztu zuten antolatzaileek aurtengo jaialdiaren irudia izango dena. Juan Luis Goenagak (Donostia, 1950) egin du, eta lur eta harri koloreak nagusitzen dira. Kartela aurkeztearekin batera, aurtengo ekitaldiko opera Gioachino Rossiniren Italiarra Aljerren izango dela jakinarazi zuten. Buenos Airesko Colon Antzokiarekin batera egindako produkzioa da. Mitologia klasikoari ere lekua egingo dio musika jaialdiak ziklo baten bidez.