'Guinea Music All Stars'

Konakryko (Ginea) musikaririk entzutetsuenetako batzuk bildu dira EP hau grabatzeko. Sekouba Bambino eta Moh Kouyate beteranoekin batera, Petit Kandia griot gazteak eta ginear musikaren etorkizuna diren hainbat musikarik hartu dute parte hemendik aurrera egonkorra izan nahi duen egitasmo honetan. Berez Wuzburgeko afrikar jaialdian parte hartzeko elkartu ziren musikariak, baina emaitza ikusita, disko hau kaleratu eta aurrera jarraitzea erabaki dute. Emaitza bikaina da, erroetatik abiatuta entzulea aurrera begira jartzen duena. Egia da aspaldi ez bezalako dirdirak topatu daitezkeela disko honen laburrean.