Hasiera bat diskoa kaleratu eta urtebetera, Gorka Urbizuk bi kantu berri jarri ditu gaur entzungai musika plataformetan. Herri txiki eta Etorkizuna ginenean dira bi kantu horiek, eta Bakan (I) izeneko EPa osatzen dute. Momentuz plataformetan daude entzungai bi kantuak, baina martxoan 7an hazbeteko binilo batean argitaratzeko asmoa azaldu du Urbizuk. Hain zuzen ere, Urbizuren webgunean eska daiteke dagoeneko diskoa.
Bi kantuen grabazioan Joan Ponsek (bateria) eta Jordi Matasek (baxua) lagundu dute Urbizu, eta Etorkizuna ginenean-en beste bi gonbidatu ere izan ditu: Amaia Miranda gitarrista eta Gorka Armendariz abeslaria (Leihotikan).
Erlazionatuta
Urbizuk berak jakinarazi du diskoaren izenburuko (I) horrek esan nahi duela gisa bereko grabazio gehiago ateratzeko asmoa duela.
Herri txiki kantuaren bideoklip bat ere osatu dute, Teatre de Ca l'Erilen (Guissona, Herrialde Katalanak) emandako kontzertuan hartutako irudiekin.
