Gaur abiatuko da Poetak Maiatzean jaialdia, Gasteizen

LITERATURA. Gaur hasi eta maitzaren 31 bitarte, Poetak Maiatzean jaialdiaren zazpigarren edizioa hartuko du Arabak. Gasteizen abiatuko da, baina lurraldeko beste zenbait herritara ere helduko da. 80 «ekintza poetiko» eta 500 parte hartzaile baino gehiago batuko ditu; haien artean izango dira Antonio Gamoneda, Ana Roseti , Berta Piñan, Bernardo Atxaga, Eider Perez, Leire Bilbao eta Edu Zelaieta.