Tsutomo Tomotsunerekin zegoen Xabier Santxotena artista nafarra Japoniako tsunamiaren berri jaso zuenean, Tokioko Unibertsitateko irakasle den bere kidearekin. Gogor egin du lan geroztik Fukushimako tragediari buruzko horma irudi erraldoi bat sortzeko. Eskuz aritu da, zurezko habeetatik abiatuta, desastrea irudikatu nahian. 17,50 metro luzeko lana atera zaio, azkenean, eta 2,10 metroko altuerakoa.
Hondamenaren lau faseak ageri dira piezan, artistaren hitzetan: zibilizazioa, garapena, natura eta kaosa. Eta altzairuzko eskultura batez irudikatu du bosgarrena. Arabako Arcos De Quejana hotelean daude bi lanak.
Fukushimako tragediari buruzko horma irudi bat egin du Santxotenak
Japoniako istripu nuklearrari buruzko altzairuzko eskultura bat ere jarri du Arabako hotel batean
![Xabier Santxotena artista, Fukushimari eskainitako bere horma irudiarekin. JON HERNAEZ / ARGAZKI PRESS. Xabier Santxotena artista, Fukushimari eskainitako bere horma irudiarekin. JON HERNAEZ / ARGAZKI PRESS.](https://www.berria.eus/uploads/s1/53/53/34/p030-f02.jpeg)
Iruzkinak
Ez dago iruzkinik
Ordenatu