BERTSOLARITZA. Frantziako Kultura Ministerioak ondare immaterialeko kultur ondasun izendatu du bertsolaritza Ipar Euskal Herrian. Bertsularien Lagunak elkarteak egin zuen horretarako galdea, eta orain jaso du erantzuna. Nafarroak ere hala du sailkatua 2018az geroztik.
Ainhoa Elizondo Bertsularien Lagunak elkarteko kideak kontent hartu du berria: «Duen garrantzia eman behar zaio izendapenari, ez gehiago eta ezgutxiago: bertsolaritza mugimendu bizia da gaur egun, herriz herri eragile, sortzaile eta pertsona askok egindako lanari esker. Urteetako lanari egindako aitortza gisa hartu behar dugu izendapena».
Jaso berri duten arrapostua urtebeteko lanketatik jin da. Izan ere, iaz abiatu baitzuten proiektua, Beñat Iturralde Agirre antropologoaren gidaritzapean. Thais Boukellak ere lagundu du beharrezkoak ziren ikerketak egiten. Eta Fabien van Geert, Thierry Truffaut eta Xenpelar Dokumentazio Zentroa ere izan dituzte laguntzaile.
Frantziak ondasun izendatu du bertsolaritza
Iruzkinak
Ez dago iruzkinik
Ordenatu
