«[Musika arloan] ez dago [emakumeekiko] diskriminaziorik, edo nik behintzat ez dut ikusi. Egia da ez dagoela hainbeste emakumerik lanean, baina ez da inoiz diskriminaziorik egon». Horrela mintzatu da Alex Sardui Gatibuko abeslaria El Diario.es hedabidean egindako elkarrizketan. Hautsak harrotu ditu adierazpen horrek, eta sare sozialetan bolo-bolo zabaldu dira abeslariaren kontrako mezuak. Tartean, musikan dabiltzan Euskal Herriko hainbat emakume feministak eta sexu disidentek ohar bateratua zabaldu dute, gertatutakoa salatzeko. «Ikusi nahi ez duena baino itsuagorik ez dago, eta denbora asko daramagu tankera honetako egoerekin nazkatuta», azpimarratu dute.
Sarduik errandakoa «oso larria» dela adierazi dute: «Emakume askok bizi izandako errealitatea baztertzeaz gain, emakumeok aurre egin beharreko egiturazko oztopoak guztiz minimizatzen ditu». Zehaztu dute datuek abeslariak errandakoa gezurtatzen dutela, eta erakusten dutela musikan genero diskriminazioa «benetako arazoa» dela. Sinatzaileen artean daude, bertzeak bertze, Olaia Inziarte, Ines Osinaga, Miren Narbaiza, Albina Sturdust, Aiora Renteria edo Kattalin Ezkerra.
Horrez gain, elkarrizketan zehar Sarduik erran du orain urte batzuk emakume gutxik egiten zutela arlo horretan lan, eta adierazpen horiek ere kritikatu dituzte oharrean: «Beste behin, sektorearen portzentaje handi baten egoerarekiko interes faltaren eta, ondorioz, informazio faltaren adierazle garbia da».
Azpimarratu dute elkarrizketa horrek agerian uzten duena zera dela, «lehendabiziko planoan egon den gizon baten ikuspuntua», eta «oso eroso» dagoen norbaitena. «Ez du ezer ikusi eta ez du entzun, ez zaiolako interesatu. Eta azken urte hauetan ikusgarritasuna landu den bezala landuta, musikaren munduko beste ahots batzuk entzuteko gogo gutxi eta interes falta asko igartzen zaio», borobildu dute.
Honako sortzaile hauek guztiek sinatu dute oharra: Maria Rivero Campo, Miren Narbaiza Martiartu, Idoia Hernandez Toledo, Jone Laspiur, Ainhoa Plagaro Bermudez, Ines Osinaga Urizar, Ane Arruti Lopetegi, Lorea Argarate Zubia, Gema Ines Murillo, Natalia Garmendia Txapartegi, Olaia Inziarte Gortari, Eider Iturriaga de la Iglesia, Zaloa Urain Motrico, Maite Arroitajauregi Aranburu, Maitane Villabona Zabaleta, Elena Artiia Mugica, Perlata, NoHaizea Larrosa Regil, Amets Aznarez Villafranca, Elena Caballero (La Basu), Gurutze Etxebarria Eginoa, Ilargi Agirre Iturregi, Izaro Andres, Danae Riaño, Jone Azkoaga Elejondo, Anne Lukin, Uxue Amonarriz Zubiondo, Miriam Santos Romo, Josune Arakistain, Kattalin Ezkerra Sobrino, Eider Saez, Uhaina Apezetxe Murua, Uxue Kerejeta Aramendi, Alba Legarda Lisarri, Lide Hernando Muñoz, Eneritz Dueso Domenech (Eneritz Furyak), Haizeatxo, Paule Bilbao Ajuriaguerra, Garazi Esnaola Balerdi, Lorea Zulaika Arriaga, Nerea Garrido, Gurutze Ostolaza Amilibia, Sara Zozaya, Olatz Salvador, Areta Senosiain Elorza, Amets Aranguren Arrieta, Janire Casares Fernández, Ainara Sarasketa Alberdi, Ianire Aranzabe, Esti Markez, Oihana Rodriguez (Akaleia), Leire Berasaluze Gerrikagoitia, DJ Pezon, Aiora Renteria, La Furia, Aiert Alberdi, Ainara Franchez Jimenez, Maialen Arrizabalaga, Eder Portolees, Lore Nekane Billelabeitia Uriarte, Cris Lizarraga, Ane Bastida, Malen M.M., Izargi Zumarraga Etxandi, Arantza Igartua, Eire Maia Manterola, Josune Freire Lizaso, Leire Olariaga Miera, Sara Azurza, Amagoia Aiestaran, Iratxe Aguilera (Kai Nakai), Birkite Alonso, Elena García Lema, Elixabete Beraza Sorarrain, Millaray Arberas Carrillo, Ane Martinez, Klara Gorospe, Luar Alberdi Huarte, Naroa Franco (Nawi), NoSara Alonso, JoMimosa Bulegoa, Alai Ormazabal, Joar G. Galdeano Aurrekoetxea, Divina Comedia, Albina Stardust, Eva Sarasola, Garazi Petrirena Morales, Anne Salazar Hernández, Yogurinha Borova, Maialen Urretabizkaia Zubizarreta, Irune Herbosa De La Iglesia, Itsaso Alvarez, Irune Elgezabal Reizabal, OiHana Alberdi Elorriaga, Saioa Gauilunak, Ane Aldaya (DJ Señora), Ane Barrenetxea, Janire López, Onintza Rojas, Claudia Rodriguez Juanena, Beatriz Perales Fernandez de Gamboa, Ainhoa Bermo Perez, Amaia Espinosa Martinez, Zaunka, Alarma Morea, Saioa Lekunberri Galdeano, Irati Garmendia, Edurne Errea Nuño, Alargun Beltzak, Nora Agirre (BIREN), Nerea Erbiti, Esti Beraza Sorarrain, Ane BIREN, Amets Ormaetxea, Garazi Otaegi Lasarte, Maitane Rebe Igartua, Alaitz Escudero Unanue, Elektropottotte, Oihane Gulina Velasco, Irati Gutierrez, Marina Landa, Leire Etxezarreta Learreta, Sara Mansilla, Amaiur Goikoetxea Flores, Nuria Culla, Onintze Garcia, Mar Andino Vidal, Berta Pallares (Vittersweet), Uxue Barrio, Anixe Uribarren, Ines Goñi Alonso, Naxker, Jaione Baraibar Arraras, Ainhoa Garcia Bengoa, Karmele Gurbindo, Iosune Marin, Nerea Arrasate Garro, Cristina Pascual Fernandez, Maialen Gurbindo (Chica Sobresalto), Amets Albisu Lasaga, Kattalin Barcena, Ane Barcena, Maddi Arlanzon, Maddi Gerriko Fariñas, Maider Llanos, Eneritz Aulestia Mutiozabal, Teresa Jareño Querejeta eta Eneritz Gorritxategi (Haize-arrosa).
