Fat White Family

Laugarren lan hau Londresen eratutako bandaren gailurretako bat da, estudioan ausart eta arriskuen zale agertu baita. Psikodelia klasikoak biltzen dituen ezaugarri guztiak barneratu dituzte hemen ingelesek, bai eta harago eraman ere, disko poliedriko bezain trinkoa plazaratzeko. Hordialdi haluzinagarrian murgiltzea da disko honetara salto egitea, harrigarria bezain lanjerosa. Elektronika, eragin arabiarrak, spoken word diziplina… askotariko aldeak erakutsi ditu taldeak, eta guztietatik salbu eta harro atera da, arrakalarik gabe. Hasieran, trip gaitzean barneratu dela pentsa lezake entzuleak, baina nik lokatzetan blaitutako txerri batek nola gozatu dut. Droga purua.