Ez dira enbor bereko ezpalak. Talde bat sortu duten lau arotz dira: Eñaut Gaztañaga (Grises), Unai Eizagirre (Voltaia), Juango Berasain (Los Moths) eta Xabi Arrieta (Passepartout). 90eko hamarraldiko rock alternatiboaren erreferente gozo eta lakarrak xurgatu dituzte azalean ageri diren garroekin.
Diskoa osatzen duten bederatzi abestietan nabari dira eraginak eta omenaldiak. Laukotearen estreinako diskoan topatuko dugu Kaliforniako punk rock melodikoaren freskotasuna (Atarian eta Begiak itxita), post-grunge garaia (Ertza eta Ilun dago), noise pop pixka bat (Eztanda) eta aipaturiko hamarkada alternatiboaren azpigenero bilduma. Jarraitu zura lantzen, arren.
Musika. Ezpalak
'Ezpalak'
Diskoetxea: Autoekoizpena.
Iruzkinak
Ez dago iruzkinik
Ordenatu
