Euskarazko filmak sustatzeko, 1,3 milioi euro

ZINEMA. Espainiako Kultura Ministerioak 1.365.000 euro emango ditu aurten euskarazko film eta ikus-entzunezkoak ekoitzi, banatu eta promozionatzeko. Akordio bat izenpetu dute horretarako Espainiako Kultura Ministerioak eta Eusko Jaurlaritzak. Mikel Cabieces Espainiako Gobernuaren EAEko ordezkariak eman du hitzarmenaren berri, eta, haren hitzetan, Madrilgo gobernuak «kultura sustatzeko duen nahiaren adibide garbia da».