Hebentik eta Txinka elkarteek Aita eta ama maiteak poesia eta musika emanaldia aurkeztuko dute bihar, 20:30ean, Laginaga-Astueko Leon Sallaber aretoan (Zuberoa). Mixel Etxekoparrek (ahotsa eta musika), Jean Christian Galtxetaburuk (ahotsa eta eskusoinua) eta Cecile Tisonek (ahotsa) hartuko dute parte.
«Aita eta ama maiteak», horrelaxe hasten dira sarri Argentinara joandako euskaldunek etxera bidaltzen dituzten gutunak. Poeten hitzen eta atzoko eta gaurko kanten bidez lotu dituzte hango eta hemengo Euskal Herriak. Zortzi euro balio du sarrerak, eta bost euro herriko biztanleentzat. Sü Azia elkarteak Aita artzain zen liburua aurkeztuko du ekitaldi berean. Dominique Laxalt artzain zuberoar-amerikarraren bizitza kontatzen du liburuak.
Euskal etorkinei eskaini kantak Laginaga-Astuen
Mixel Etxekopar, Jean Christian Galtxetaburu eta Cecile Tisonek 'Aita eta ama maiteak' taularatuko dute bihar
Iruzkinak
Ez dago iruzkinik
Ordenatu
