MUSIKA. Estibaliz Robles-Arangiz Estitxu abeslariaren izena darama, atzotik, Bilboko pasealeku batek. Casilda Iturrizar parkeko bide bat da, Artetxe Kondearen zumarkalearen eta Abandoibarra etorbidearen artean dagoena. Bilboko Udalak eta abeslariaren senideek atzo inauguratu zuten pasealekua, kantaria omentzearekin batera.
Artista hil zela 25 urte bete dira, eta haren ibilbidea goraipatu zuten ekitaldian. Bilboko alkate Juan Mari Aburtok adierazi zuenez, «ohore handia da Bilboko kale izendegian hain garai zailean euskal musika eta kultura hainbeste eta hain ondo bultzatzen jakin zuen emakume baten izena sartzea». Zabalkuntza Kultur Taldeak eskatu zuen hari kale bat eskaintzeko, eta eskaria aintzat hartu du Udalak.
Beskoitzen (Lapurdi) 1944an jaioa, 1967. urtean hasi zen Estitxu jendaurrean kantatzen, eta euskal musikaren suspertzaile nagusietako bat izan zen garai hartan. 1993an hil zen, Bilbon.
Estitxu kantariaren izena jarri diote Bilboko pasealeku bati
Artistaren ibilbidea goraipatu du Bilboko Udalak, haren senideekin batera pasealekuan bertan eginiko ekitaldian
Iruzkinak
Ez dago iruzkinik
Ordenatu
