Esther Ferrerri emango diote Urrezko Danborra

SARIAK. Donostiako Udalak Esther Ferrer artistari emango dio 2020ko Urrezko Danborra. Ibilbide oparoko artista da Ferrer, aitzindaria Euskal Herrian performancea bezalako adierazpideetan, eta Eneko Goia alkateak horixe izan du gogoan aitortza hari emango diotela jakinaraztean: «Ibilbide luzeko artista da Ferrer, arte garaikidean muga berriak finkatu dituena». 1937an jaio zen Ferrer, Donostian, eta Parisen bizi da aspalditik. Sari ugari jaso ditu.