Eraso taldeko Ander Izeta da Barricadako baxu jotzaile berria

Zarauzko (Gipuzkoa) Eraso metal taldeko gitarra jotzailea izango da hemendik aurrera Barricada taldeko baxu jotzailea, Iruñeko taldeak bere webgunean azaldu duenez. 2011ko urte amaieran Drogasek taldea utzi zuela iragarri ostean, taldeak aurrera jarraituko zuela esan zuen. Barricada disko berria grabatzen ari da. Hamahiru kantu berri izango ditu diskoak, eta bai grabaketan eta baita kontzertuetan ere Ander Izeta izango da baxu jotzailea.