Elena Odriozola ilustratzailea Andersen sarietarako finalista izatera heldu da

ILUSTRAZIOA. Haur eta Gazte Liburuaren Espainiako Elkarteak, Galtzagorri elkartearekin batera, Elena Odriozola ilustratzailea (Donostia, 1967) aukeratu zuen, iaz, Ibby elkarteak aurten banatuko dituen Hans Christian Andersen sarietarako hautagai izateko, eta sei finalistetako bat izatera heldu da Odriozola. Haur Literaturako Nobeltzat jotzen da sari hori; martxoaren 30ean jakinaraziko dute irabazlearen izena.