'Edificio España' 15 hilabetez betoa izan duen filmaz ariko dira gaur Donostian

ZINEMA Victor Morenok Edificio España film dokumentala aurkeztuko du gaur, 19:00etan, Donostian, Tabakalerako Sukaldean, eta ondoren solasaldia izango da han Morenorekin berarekin, Fermin Muguruza kantariarekin eta Iñaki Begiristain arkitektoarekin. Filma 2012an aurkeztu zuten, Donostiako Zinemaldian, eta orduz geroztik ezin izan da ikusi, Santander banketxeak jarritako beto bat dela eta.