EAEn 234 euro gastatzen da kulturan biztanleko

IKERKETA. EAEko administrazioek 234,8 euro gastatzen dute kulturan biztanleko, Kulturaren Euskal Behatokiak 2008ko datuekin egindako azterketaren arabera. Suediako (236 euro) eta Austriako (274) gastuaren pare dago EAE arlo horretan. Gastu horren herena musika eta museoetara bideratzen da. Musikak 95,8 milioi euro bereganatu zituen (gastu publikoaren %18,8), eta museoek, 91,4 milioi euro (%17,9). Guztira, 501 milioi euro gastatu zituzten udalek, diputazioek eta Jaurlaritzak kulturan.