Dudan jarri dute lanak Caravaggiorenak ote diren

ARTEA. Ustez Michelangelo Merisi Caravaggio-renak diren 100 bat marrazki topatu zituen arte historialarien talde batek herenegun Milan iparraldean. Baina Antonio Paoluccik, Vatikanoko Museoko zuzendariak, dudak dauzka. «Baikortasun induktibo hutseko gertaera da», adierazi zuen Paoluccik atzo, L'Osservatore Romano egunkari erlijiosoan idatzi zuen artikulu batean. Haren ustez, jakinekoa zen lan horiek existitzen zirela.